Abestu dezagun!

AMONA MANTANGORRI

Amona mantangorri

xomorro polita,

hitz egiten du isilik

ahotsik ez dauka

Galdetzen badiote

Zeruan zer berri,

"Ongi! -erantzuten du-,

zeruan oso ongi.

Santu batzuk saltoka,

besteak kantari;

San Pedrok, batzuetan,

Bob Marley dirudi"

Oroitzeko moduko

hitzak dira agian

sartuezinak baina

gure belarrian.

Ezin al dira gauzak

ozenago esan?

Amona mantangorri,

ez lotsatia izan.

Xomorro polit horrek

esaiguzu guri,

zer izango dugu bihar

eguzki edo euri?

"Eguzkia goizean

euria ondoren,

ilargia aterako

ilundu baino lehen"

Amona mantangorri

eskatzen dizut arren,

ezin al duzu hitz egin

sendo eta zuzen?

Ez dizut ezer aditzen,

adi nagoen arren,

ez dakit zer eguraldi

bihar espero den.

Amona mantangorri

xomorro polita,

hitz egiten du isilik

ahotsik ez dauka.

Amona mantangorri