Diskoa: Harriaren hiztegia
Eremuak: Ingurunea Ezagutzea Eta Esploratzea
Gaiak: Ikerketa ingurunean
Azpigaiak: Izaki bizidunak: landareak
Abeslaria/Artista/Taldea: Jabier Muguruza
Urtea: 2016
Diskoetxea: Maramara
Iraupena: 03:38 min
GOROLDIOA
Adieraztera noa
egi bat edo bi,
zer gertatu zitzaion
goroldioari.
Oso belar hiztuna
izan zen aspaldi,
tar-tar zegoen beti,
berba zuen ugari.
Egun ilun batean,
jo zuen trumoiak,
euria, kazkabarra,
gainera tximistak.
Erotu zuen ikarak,
ito zuen larriak,
hamabi hitz kolpetik
ahaztu ditu gajuak.
Gau batez basurdeak,
etorri taldeka,
batzuk uxarka eta
besteak zapalka.
Goroldioak hautsi
zuen bere marka,
ehun eta bi hitz galdu
zituen dardarka.
Eguna joan eta
eguna etorri,
goroldioa ia
bihurtu zen harri;
Hiztun izandakoa
orain dabil mutu
bakarrik bere izena
daki justu justu /?
"Goroldioa naiz",
dio behin eta berriro,
"goroldio egiten du,
goroldio nago".
"Goroldiotzen bada
goroldiotikan,
goroldiotuko dugu
goroldioetan".
Hauxe hitz egiteko
orain daukan manera,
pentsa zer nolakoa
izan den galera.
Hasieran zituen
ehun hitzetik gora,
bakarra daki orain,
hara zer gertaera!
kontaktua@abestuzikasi.eus
Ondorengo eremuak bete. "*" dutenak derrigorrez bete behar dira.
