Abestu dezagun!

HAU MUNDUA!

Mundi-mundua, mundi-mundua,

lurra eta itsasoa.

Mundi-mundua, mundi-mundua,

Iparra eta Hegoa.

Munduak erdi, erdi-erdian

luze-luze gerrikoa.

Esaten dute ez omen dela

mundua esferikoa.

Esaten dute mundua dela

arrautzaren formakoa.

Guk badakigu leku bat dela

justiziarik gabekoa,

goikoak ase-ase eginda,

eta gosez azpikoa.

Meridiano, Ekuatore

paralelo batzuekin,

Mendebaldea, Ekialdea

mil(i)oika biztanlerekin.

Arrain handiak txikiak janez

bizi gara elkarrekin.

Mundu berri bat egin dezagun

gazteon indarrarekin.

Mundi-mundua, mundi-mundua...

Latitudea, Iparburua

eta hemisferioa,

biraka dabil gure mundua

hori da misterioa,

eta jendea gosez hiltzea

oso gauza serioa.

Jar d(i)ezaiogun arazo honi

behingoz erremedioa.

Hitzak: Joxan Ormazabal Musika: Imanol Urbieta

Hau mundua!