Diskoa: Txapasen kaxa magikoa
Eremuak: Harmonian Hazten
Gaiak: Harremanak Oreka eta afektibitatea
Azpigaiak: Familiako kideak eta zuhaitz genealogikoak Segurtasun afektiboa
Abeslaria/Artista/Taldea: Pirritx, Porrotx eta Marimotots
Urtea: 2023
Diskoetxea: ELKAR
Iraupena: 03:05 min
HAURTZAROKO IZARRA
Haurtzaroko izarra,
zu nire ostadarra,
beti bihotzean,
zu zara nire ama,
Mari basoko dama
euskal oihanean.
Besarkatu nahi zaitut,
zure altzoan bildu
denbora luzean,
inoiz esnatu gabe,
irin txurien jabe
etxeko labean.
Zurekin, zurekin,
zurekin nahi dut bizi.
Zurekin, zurekin,
zurekin nahi dut bizi.
Ni naiz zure haurtxoa,
berritsu eta goxoa,
freskura goizean,
ni naiz zure larrosa,
eder eta airosa,
muxu bakoitzean,
ni naiz zure kuttuna,
elkar maite duguna,
ilunsentietan,
begirada samurra,
oherako agurra,
nire ametsetan.
Zurekin, zurekin,
zurekin nahi dut bizi.
Zurekin, zurekin,
zurekin nahi dut bizi.
kontaktua@abestuzikasi.eus
Ondorengo eremuak bete. "*" dutenak derrigorrez bete behar dira.
