Abestu dezagun!

ITSU BIZI NAIZ

Hau da, hau!

Egunez ere gau,

egunez ere gau.

Hau da, hau!

Itsu bizi naiz,

itsu, jaio nintzenetik,

zuk ikusten duzuna

ez dut ikusten nik.

Hemen nabil galdezka

zergatik, zergatik,

neure bi begietan

ez dudan argirik.

Argirik ez da pizten

nire begietan

eta ikusi nahi dut

dena koloretan.

Ezinezkoa dela

badakit benetan,

baina ezin naiz bizi

ni beti penetan.

Makila txuri batek

kax-kax nau gidatzen,

maite nautenek ere

didate laguntzen,

Ez da erraza,

baina ari naiz ikasten,

begiz ezin dudana

bihotzez ikusten.

Hau da, hau!...

Letra: Joxan Ormazabal Musika: Imanol Urbieta

Itsu bizi naiz