Diskoa: Kaleak bizirik
Eremuak: Ingurunea Ezagutzea Eta Esploratzea
Gaiak: Ikerketa ingurunean
Abeslaria/Artista/Taldea: Potx eta Lotx
Urtea: 2021
Diskoetxea: Algara
Iraupena: 03:08 min
Gako-hitzak: kalea dendariak herria
KALEAK BIZIRIK
Herria herri izan dadin
bizia herrian egin!
Zurekin eta nirekin,
bakoitza bere bidetik
baina elkarrekin.
Merkatal gunetako
taberna mordoak
ez dira herrikoak
baino hobeagoak.
Herriko tabernetan
dauzkagun tragoak
eta pintxoak dira
gozoxeagoak!
Zapata dotoreak
ta berri-berriak,
inon aurkitu ezin
diren lokarriak,
gerrikoek zuk gura
dituzun neurriak…
Zapatari bat beti
behar du herriak.
Herria herri izan dadin
bizia herrian egin!
Zurekin eta nirekin,
bakoitza bere bidetik
baina elkarrekin.
Kaltzetinak, txandala
edo alkandora.
Bertan ondo dakite
zein den azken moda!
Erostera ez dugu
zertan joan kanpora.
Dendariak pozik ta
gu ere gustora.
Herria herri izan dadin
bizia herrian egin!
Zurekin eta nirekin,
bakoitza bere bidetik
baina elkarrekin.
Kaleko giro ona
eta berriketa
nahi baditugu gure
dendariak eta
zerbitzariak mima
ditzagun tarteka
eurei esker baitaude
kaleak beteta!
Herria herri izan dadin
bizia herrian egin!
Zurekin eta nirekin,
bakoitza bere bidetik
baina elkarrekin.
Baina elkarrekin!
Potx eta Lotx
kontaktua@abestuzikasi.eus
Ondorengo eremuak bete. "*" dutenak derrigorrez bete behar dira.
