LAPUR FAMATUA

Bertso barri batzuek behar ditut jarri

neure lagun guztien eskarmentugarri.

Trantze estu honetan guztiz nago larri

neure pasadizua esan barik garbi

Halan ere Kristauak aditu kontuen

neure deskalabrua zelan dan munduen.

Hamairu heriotza urte beten barruen

neskatxa bat motibo zelan egin nituen.

Bengantza bat harekin gau triste batean

puñala ta tragukoa harturik aldean.

Ondo lotuta nengoan etsaian atean

derrepente sartu nintzan beraren etxean.

Afaiten han zegozan senar emazteak

ezkonbarriak eta ziraden gaztiak.

Ez zeutzien emoten penarik hiltiak

suerte onan begira egozan tristiak.

Bost puñalada lehenengo emon neuntsan berari

ez Jesus ez eta ez amen joan zan mundutik

Senarra triste egoan andreari begira

baina ez ziotzen kendu barruan eukan erida.

Berari tirau neuntsan bularren erdira

horra zer pasatu zan esan dot egia.

Senar eta emazte sukaldean biak

han geratu ziraden derrepente hilak.

Akziño hau egin da urte nauen etxetik

justiziari altoka banoan atzetik.

Kristauaren bihotza ikeragarria

Jaunak bere eskutik nindukan itxia.

Hamairu pertsonari kentzeko bizia

neskatxa da motibo izan dan guztia.

Neuri hitza emonda bestearekin ezkondu

horrexek emoten daust bihotzean damu.

Zaldiaren gaiñian gizon armatua

agertu nintzanian lapur famatua.