Abestu dezagun!

NON DA PALESTINA?

Lurrak oihu egin du

non da Palestina?

Aldean daramana

gerraren tarima,

gorputza bi zati du,

bat al da arima?

Ai, oi, ai, bat al da arima?

Ai, oi, ai, non da Palestina?

Betleem, Hebron, Halamish,

Ramallah, Jericho…

Ala bat ala beste

daukatela jainko,

zeruak ez ote du

lur bat mereziko?

Ai, oi, ai, lur bat mereziko?

Ai, oi, ai, Ramallah, Jericho.

Munduko Trumpen esku

zaude Jerusalem.

Orain zer ta juduen

hiriburu omen,

zure arima berriz

bortxatu ondoren.

Ai, oi, ai, bortxatu ondoren,

ai, oi, ai, zaude Jerusalem.

Palestinar bidea

duintasunera.

Okupatzailearen

soldaduz bete da.

Gorrotorik gabeko

checkpointik ote da?

Ai, oi, ai, checkpointik ote da?

Ai, oi, ai, duintasunera.

Musika: Xabi Aburruzaga

Letra: Iñaki Aurrekoetxea

Non da Palestina?