Diskoa: Kaleak bizirik
Eremuak: Komunikazio Eta Errealitatearen Adierazpena
Gaiak: Gorputz-lengoaia Adierazpen plastikoa eta bisuala
Azpigaiak: Jolas librea Materialak, koloreak, testurak, teknikak eta plastikarako prozedurak
Abeslaria/Artista/Taldea: Potx eta Lotx
Urtea: 2021
Diskoetxea: Algara
Iraupena: 02:30 min
PILOTA BERRIA
Ortzadar antza dauka pilotak
a ze kolore bizia!
koloreekin jolasten dugu
alaituz gure bizia.
Atsegina da guztiz trapuzko
pelota borobil hori.
Bere kolore berde, urdina,
gorri, more edo hori.
Bota pilota gogor zerura
eta egin gora jauzi.
Esku artean indartsu heldu
lurrera ez dadin jausi.
Entzun nahi al duzue
daukagun berria?
Esku artean dugu
pilota berria,
txerritxoko diruaz
erosi berria.
Eta buruan jotzen badizu
hartu dezakezu mina,
ziur laguntzera datorrela
kuadrillako lagun mina.
Batak besteari pilota pasa
baina utzirik tartea
egunero da beharrezkoa
jolaserako tartea.
Gustatu al zaizu prestatu dugun
hitz eta kolore salda?
hitz berdinekin hainbat esanahi
kuriosoa ez al da?
Entzun nahi al duzue
daukagun berria?
Esku artean dugu
pilota berria,
txerritxoko diruaz
erosi berria. (bis)
Potx eta Lotx
kontaktua@abestuzikasi.eus
Ondorengo eremuak bete. "*" dutenak derrigorrez bete behar dira.
