Diskoa: Bizipoza
Eremuak: Ingurunea Ezagutzea Eta Esploratzea Harmonian Hazten
Gaiak: Esperimentazioa ingurunean Oreka eta afektibitatea
Azpigaiak: Jakin-mina, irudimena, sormena, harridura Segurtasun afektiboa
Abeslaria/Artista/Taldea: Pirritx, Porrotx eta Marimotots
Urtea: 2013
Diskoetxea: KATXIPORRETA
Iraupena: 02:56 min
Gako-hitzak: irudimena sormena
TXIKITZEN ZARETENEAN
Txikitzen zaretenean
lanera joan ordez,
putzuetan salto
egingo duzue,
zapaburuak legez.
Txikitzen zaretenean,
eztabaidatu ordez,
masustak biltzera
irtengo zarete
bidetxurretan oinez.
Egun handi horretan
hitz egingo duzue
baleekin,
kilkerrekin,
ornitorrinkoarekin.
Txikitzen zaretenean
salabardoen bidez,
denbora harrapatzen
jakingo duzue,
ez dezan egin ihez.
Txikitzen zaretenean,
ardoa edan ordez,
euripean jarri,
ahoa zabaldu,
eta egin amets!
Egun handi horretan,
hitz egingo duzue
katuekin,
txoriekin,
hipopotamoarekin!
Eta beldurtzen bazarete
gau ilunarekin,
edo esnatzen bazarete
ametsgaiztoekin...
Lasai, hor egongo gara gu!
Txikitzen zaretenean,
espinakak jan ordez,
urmaeletako
islada zuritik
ilargia edan baietz!
Txikitzen zaretenean,
albistegietan ez,
mundua amonak
esplikatuko du,
ta ahal bada aldrebes!
Korapilo denak
askatuko dira
haize bolada batez!
BIZIPOZA - PIRRITX, PORROTX ETA MARIMOTOTS
kontaktua@abestuzikasi.eus
Ondorengo eremuak bete. "*" dutenak derrigorrez bete behar dira.
