XAN PETRIKE-BIZKAR DANTZA-YAN PETITE QUI DANSE

Nafarroa. Baztango irri-dantza

Joko-dantza ere esaten zaie, dantza batek eta joko

batek osatzen dutelako. Dantza, kasu honetan,

dantzariek aurrera egiteko egiten dituzten pausoek

osatzen dute, eta jokoa, ordea, erdigunera begira

lurra ukituz egiten dituzten mugimenduek osatzen dute.

Dantzariak biribil bat osatuz jartzen dira, neskak eta

mutilak tartekatuta, elkarri heldu gabe. Aldi batzuetan,

aurrera egiten dute guztiek, biribilean, eta, aldi batzuetan,

gelditu egiten dira, erdialdera begiratuta, gorputz-atalekin

behegaina ukituz mugimendu jakin batzuk egiteko.

Txintxilipurdi eginez bukatzen da dantza. Aurrera egiteko

egiten diren pausoak eta Lantzeko zortzikoan (Baztango zortzikoa)

birak emanez egiten diren hasierako pausoak berdin-berdinak dira,

DANTZAREN GARAPENA

A: Jauzitxo bat aurrera eskuineko oinarekin eta hiru bira

eman tokian bertan (eskuinetara-ezkerretara-eskuinetara).

Aurrera begira gelditu. Kriskitinak jotzen, birak ematen

direnean izan ezik.

A: Aurrekoaren pauso berdinak baina aurrera begira gelditu

gabe, erdigunera begira geldituta azken biran (eskuinetara-ezkerretara-

eskuinetara). Kriskitinak jotzen, birak ematen direnean izan ezik.

B: Mugimendu bereziak. Dagokion gorputz-atalarekin

ukituko da behegaina.

Lehenengo aldian atzamarraz ukituko da behegainasei

kolpetxo emanez, lehendabiziko hirurak eskuinarekin

eta hurrengoak ezkerrarekin.

C: Bira (eskuinerantz).

Egitura hau (A-A-B-C) beste bost aldiz errepikatuko da;

sei aldiz egingo da guztira. Aldi bakoitzean, B atalean

dantzariek gorputz-atal bat gehituko diote.

Azken txandan, C atala egin beharrean, bira egin

beharrean, txintxilipurdi egingo dute erdigunera.

DANTZARIEN KOKAPENA

Bata bestearen atzetik, biribilean, erloju-norabidearen kontra (ENK).

AUTOMATISMOA

Dantzaren pausoak (Lantzeko inauteriko zortzikoaren lehendabiziko

pausoak) eta jokoaren mugimendu bereziak (gorputz-atalekin

behegaina ukitzen egiten direnak).

MUGIMENDU BEREZIAK

Ordena hau da: oina - atzamarra - belauna - ukondoa (belaunikatuta)

ipurmasaila - sorbalda. Bukaeran, txintxilipurdi erdigunera.

Oinarekin eta atzamarrarekin egiten diren mugimenduetan

honako hau daposizioen sekuentzia: alboa-erdia-alboa.